Фотографиялық материалдар

Фотографиялық материалдар, фотоматериалдар - фотография мен кинематографияда фотографиялық кескіндердіалу үшін қолданылатын жарық сезгіш материалдар мен оларды химиялық жолмен өңдейтін фотографиялық реактивтер, сондай-ақ кейбір қосымша материалдар. Жарық сезгіш материалдар белгілі бір негізге жұқа етіп жағылған эмульсия қабатынан тұрады. Олар сол негіздің түріне қарай фотографиялық қағаз (фотоқағаз), фотографиялық пластинка (фотопластинка), кино- және фотографиялыө пленка (кинопленка және фотопленка) болып ажыратылады. Кейде негіз ретінде металл мен керамика да пайдалынады. Жарық сезгіш фотографиялық материалдар жарық және түс сезгіштігіне, мөлшеріне, т.б. қасиеттеріне қарай ажыратылады. Фотографиялық реактивтер жасырын фотографиялық кескінді көрінетін кескінге айналдыру не көрінетін кескінің сапасын жақсарту үшін қолданылады. Ол үшін айқындағыш, бекіткіш (фиксаж) және илік заттар пайдалыналады. Кейбір ерітіндер, бояулар арқылы негатив не позитив кескіндердің сапасы жақсартылады. Ал қосымша Фотографиялық материалдарға жарық сезгіш фотографиялық материалдарды жарықтан не ылғалдан қорғайтын арнаулы қағаздар, кинопленкаларды жалғау үшін қолданылатын желімдер, т.б. жатады.