Фотокарта

Фотокарта - аэроғарыштан түсірілген суреттер негізінде жасалады. Фотокарталар топографиялық карталар проекциясы мен математикалық негізінде асқан дәлдікпен, есептеулер көмегімен түсіріледі. Сондықтан да ондағы объектілер өз қалпында өзгеріссіз берілетіндіктен фотокарта тақырыптық карталар жасалуда, инженерлік және жобалау зерттеу жұмыстарында кеңінен пайдаланылады. Аса кең таралған түрлеріне: жалпы географиялық, геологиялық, тектоникалық және ландшафтылық фотокарталар жатады. Сонымен қатар Айдың, Марстың және басқа ғаламшар бетінен түсірілген фотокарталар да бар.