Франтишек Палацкий

Франтишек Палацкий (чех. František Palacký; 14 маусым 1798, Годславице, Моравия — 26 мамыр 1876, Прага) — 19 ғасырдағы чех тарихшысы, философ, мәдениет және чех ұлттық қозғалысының қайраткері.

Франтишек Палацкий
František Palacký
Франтишек Палацкий
Туған кездегі есімі	Палацкий Франтишек
Туған күні	14 маусым 1798 (1798-06-14)
Туған жері	Годславице, Моравия
Қайтыс болған күні	26 мамыр 1876 (1876-05-26) (77 жас)
Қайтыс болған жері	Прага
Ұлты	Чех
Қызметі	чех тарихшысы, философ
Жұбайы	Тереза Мехурова

Палацкийдің философиялық еңбектері («Эстетиканың обзорлық тарихы», 1823; «Әсемдік туралы ғылым», 1827) ұлттық қайта өркендеу дәуіріндегі тұңғыш филос. шығарма болды. Чехияның орта ғасыр тарихынан, әдебиеті мен чех жылнамасынан аса мол деректемелер жариялады. Палацкий Чехия тарихы жөнінде көптеген зерттеу жұмыстарының авторы. Оның басты еңбегі — «Чехия мен Моравиядағы чех халқының тарихы» (ежелгі заманнан 1526 жылға дейін). Палацкий гусшылдар қозғалысын чех ұлттық тарихының аса маңызды кезеңі деп есептеді. Оның еңбектері чех мәдениеті, ұлт-азаттық қозғалысы дамуында елеулі роль атқарды. 40 жылдары Палацкий чех буржуазиялық ұлттық либералдық қозғалысының басшысы. 1848—1849 жылдардағы революция кезінде австрославизм (Австрия империясын қайта құру) программасын ұсынды. 1848 ж. Прагада славяндар съезін басқарды. 40 жылдардың аяғы мен 60 жылдардың басына дейін (19 ғ.) Австрия рейхсраты мен чех сеймінің депутаты. 60 жылдардан чех І буржуазиясы консерваторлық қанаты идеялық көсемдерінің бірі.