Франция департаменттері

Департаменттер (фр. départements) Францияның және оның ортары болған біраз елдің қатарында негізгі аумақтық-әкімшілік бірлігі болып саналады. Әдеттегідей, құрлықтаық Франциядағы департаменттердің аумағы 4000-нан 8000 км²-ді құрайды. Халқы саны 100 мыңнан 1 млн адамға дейін жетуі мүмкін. Департаменттер француздық революция кезінде алфавиттік тәртіп бойынша ресми түрде нөмірленген (қазіргі кезде алфавиттік тәртіптен тыс ерекшеліктер бар).

Франция департаменттерінің қазіргі картасы

Басқару жүйесі

Департаментті басқаратын негізгі ұйым алты жылға сайланатын Бас кеңес (Conseil Général) болып табылады. 1982 жылдан бастап кеңесті оның президенті басқарады. Департаменттің әкімшілік орталығы «префектура» деп аталады.

Тарихы

Мемлекетті департаменттерге бөлуді 1790 жылдың 4 қаңтарда Ұлы француздық революция кезінде енгізді. Құрылтайшы Ассамблея бұрынғы провинцияларға бөлуді жаңа, тиiмдi құрылымға ауыстырды. Сол жылдың 4 наурызында жаңа 83 департамент құрылды. 1810 жылы Француздық аумақтың кеңеюіне байланысты департаменттер саны 83-тен 103-ке дейін өсті, бірақ, 1815 жылы Наполеонның жеңілуі артынан олардың саны 86-ға төмендеді. Сонымен қатар, 1848 жылдан 1962 жылға дейін Алжир Францияның департаменті болған. Қазіргі кезде Францияның құрамында 96 департамент және теңіздің ар жағындағы 5 департамент бар.