Футболдан 1998 жылғы әлем біріншілігі (финал)

1998 жылғы футболдан әлем чемпионатының шешуші матчы. Матч 12 шілдеде Париждегі "Стад де Франс" стадионында өтті. Франция 3:0 есебімен Бразилияны ұтып, тарихта бірінші рет әлем чемпионы атанды.

Футболдан 1998 жылғы әлем біріншілігі (финал)
Турнир

Футболдан 1998 жылғы әлем біріншілігі

Стадион

Стад де Франс, Сена-Сен-Дени

Көрермендер

75 000

1994
2002

МатчӨңдеу

ШолуӨңдеу

Ойынның бірінші бөлімінде екі жақ тең деңгейде ойнады. Бразилиялық сұрмерген Роналдо финалға дейін денсаулығы онша болмаса да алаңға шыққан-ды, сол себептен де толық ашылып ойнай алмады. Оның үстіне оған Францияның мықты қорғаушылары мүмкіндік берген жоқ.

Бірінші таймда-ақ алаң иелерінің жетекші футболшысы Зинедин Зидан екі рет гол соғып, командасын алға шығарды. Екінші таймды бразилиялықтар шабуылмен өткізді, бірақ алаң иелері сыр бермеді. 68-минутта Марсель Десаий алаңнан қуылып, француздар 10 адаммен қалса да бразилиялықтар есепті қысқарта алмады. Соңғы минуттарда алаң иелері қарсы шабуыл ұйымдастырып, Эмманюэль Пети үшінші допты соқты. Нәтижесінде Франция құрамасы 3:0 есебімен ірі жеңіске жетті.

ПротоколӨңдеу

12 маусым 1998 жыл
  Бразилия 0:3   Франция Стад де Франс, Сена-Сен-Дени
Зинедин Зидан   27'   45+1'
Эмманюэль Пети   90+3'
 
 
 
 
 
 
 
 
 
Бразилия
 
 
 
 
 
 
 
 
 
Франция
1 Клаудио Таффарел
2 Кафу
3 Алдаир
4 Жуниор Байано
6 Роберто Карлос
5 Сезар Сампайо   73'
8 Дунга (к)
10 Ривалдо
18 Леонардо   46'
20 Бебето
9 Роналдо
Алмастырулар:
19 Денилсон   46'
21 Эдмундо   73'
Бапкер:
  Марио Загалло
16 Фабьен Бартез
15 Лилиан Тюрам
8 Марсель Десайи |   
18 Франк Лебёф
3 Биксант Лизаразю
7 Дидье Дешам (к)
17 Эммануэль Пети
19 Кристиан Карамбё   57'
10 Зинедин Зидан
6 Юри Джоркаефф   74'
9 Стефан Гиварш   66'
Алмастырулар:
14 Ален Богоссян   57'
21 Кристоф Дюгарри   66'
4 Патрик Виейра   74'
Бапкер:
  Эме Жаке

Басқа да деректерӨңдеу

Бразилия құрамасы Әлем чемпионаттары тарихында тұңғыш рет ірі жеңіліске ұшырады.

ХХ ғасырдағы әлем чемпионаттарының алғашқы голын да, соңғы голын да Франция құрамасы өкілдері соқты, 1930 жылы Люсьен Лоран, 1998 жылы Эммануэль Пети енгізді. ХХІ ғасырдағы алғашқы допты француздар соғуы мүмкін еді. Біpақ 2002 жылғы әлем чемпиoнатының беташар матчында олар күтпеген жерде Сенегалдан ұтылып қалды — 0:1