Люсьен Лоран

	Люсьен Лоран
Жалпы мағлұмат
Туған күні	10 желтоқсан 1907
Туған жері	Сен-Мор-де-Фоссе, Франция
Қайтыс болған күні	11 сәуір 2005 (97 жас)
Азаматтығы
Бойы	162
Позиция	жартылай қорғаушы
Жастар клубы
Жастар клубы
1921—1930	Серкль Атлетик
1930—1932	Сошо
Клуб карьерасы
Ұлттық құрамы
Бапкерлік карьерасы
1943—1950	Безансон
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Люсьен Лоран (фр. Lucien Laurent; 10 желтоқсан 1907, Сен-Мор-де-Фоссе, Париж — 11 сәуір 2005, Безансон) — француз футболшысы, жартылай қорғаушы, әлем чемпионаттары тарихындағы тұңғыш голдың авторы ретінде танымал.

Карьерасы

1921-1930 жылдары "Серкль Атлетик" клубында ойнап жүріп "Сошоға" ауысты. Әлем чемпионатына бару үшін құрамаға "Сошоның" сапынан шақырылды. 1930 жылы 13 шілдеде әлем біріншілігінің беташар матчында Франция — Мексика құрамалары ойнады. 19-минутта Лоран есеп ашып, әлем чемпионаттары тарихындағы бірінші голдың авторы атанды.

"Ойын басында екі құрама ойыншылары да бірінші болып есеп ашуға тырысты. Біз бірнеше шабуыл жасадық. Бір шаубылда оң қапталдан асырылған допты айып алаңына кіре берісте қақпашы Бонфильоның оң жағынан зу еткіздім. Ол кезде қазіргідей мәре-сәре боп, құшақтасып голды тойлау деген жоқ-тұғын. Командаластарым арқамнан қақты да қойды". (Лоранның естелігінен).

Бұл ойында Франция 4:1 есебімен жеңіске жетті. Бірақ кейінгі екі ойында ұтылып, жартылай финалға шыға алмады.

Лоран тек француз клубтарында ғана ойнады. Екінші дүниежүзілік соғыс кезінде үш жыл тұтқында отырды. Соғыстан кейін азырақ уақыт "Безансон" сапында доп тепті де, сол қалада орнығып қалды.

Бапкерлік ғұмырында біаз уақыт "Безансонды" жаттықтырды.

2005 жылы 11 сәуірде 98 жасқа қараған шағында қайтыс болды.

Ұлттық құрама сапындағы матчтары

<div class="NavFrame collapsed" style="width: 70%

№	Дата	Қала	Қарсылас	Есеп	Гол	Турнир
1	23 ақпан 1930	Порту, Португалия	Португалия	0:2	-	ЖО
2	13 сәуір 1930	Париж, Франция	Бельгия	1:6	-	ЖО
3	13 шілде 1930	Монтевидео, Уругвай	Мексика	4:1	1	ӘЧ-30
4	15 шілде 1930	Монтевидео, Уругвай	Аргентина	0:1	-	ӘЧ-30
5	15 наурыз 1931	Париж, Франция	Германия	1:0	-	ЖО
6	14 мамыр 1931	Париж, Франция	Англия	5:2	1	ЖО
7	29 қараша 1931	Париж, Франция	Нидерланд	3:4	-	ЖО
8	20 наурыз 1932	Берн, Швейцария	Швейцария	3:3	-	ЖО
9	10 сәуір 1932	Париж, Франция	Италия	1:2	-	ЖО
10	19 мамыр 1935	Париж, Франция	Мажарстан	2:0	-	ЖО