Хабар (телеарна)

«Хабар» — қазақстандық телеарна. “24KZ", “EL ARNA" телеарналарымен қатар «Хабар» Агенттігі» АҚ құрамына кіреді. Қазақ және орыс тілдерінде хабар таратады.

Хабар
Құрылған жылы 23 қазан 1995
Иесі «Хабар» Агенттігі» АҚ
Мемлекеті  Қазақстан
Тілі Қазақ тілі, орыс тілі
Таратылу аймағы  Қазақстан
Директоры Арман Балтабайұлы Сеитмамыт
Веб-сайты khabar.kz
Қол жетімділігі
Жергілік
DVB-T2 2
Жерсерік
KazSat-3 2

Тарихы өңдеу

1995 ж. 23 қазанда ҚР Үкіметінің қаулысымен “Хабар” Агенттігі Республикасы мемлекеттік мекемесі болып құрылды. 1997 жылдың 27 қаңтарынан бастап «Хабар» телеарнасы өз жиілігінде хабар тарата бастады. Тәулігіне 14 сағат хабар таратқан телеарнаның эфирінде аппараттық бағдарламалармен қатар, танымдық, ойын-сауық бағдарламалары, ток-шоу, музыкалық концерттер көрсетілді.

Бүгінгі таңда, «Хабар» арнасы қазақ және орыс тілдерінде тәулігіне 20 сағат хабар таратады, жаңалықтарға басымдылық беріледі. Қазақстанның барлық облыстарында және ТМД-ның 5 елінде тілшілер бөлімі жұмыс істейді. Төл репортаждары Еуропа, Азия және Солтүстік Американың 12 елінен әзірленеді. Әріптестік бағдарламалар аясында әлемдегі алдыңғы қатарлы ақпараттық агенттіктер өнімдерін де пайдаланады. Ақпараттық-публицистикикалық, қоғамдық-саяси және экономикалық, ғылыми-ағартушылық, мәдени, ойын-сауықтық, спорттық бағдарламалары жақсы танымал арна ұсынатын телевизиялық сериалдар, деректі және көркем фильмдер рейтинг бойынша ең жоғары орында. “Хабар” — әлемдік деңгейдегі спорт жарыстарын тікелей көрсетеді. Агенттіктің техникалық базасы маңызды саяси және мәдени акцияларды оқиға орнынан тікелей таратуды жүзеге асыруға мүмкіндік береді[1]. 2013 жылы «Хабар» телеарнасы жаңа 16:9 кең экранды форматқа көшті. 2012 жылдың 1 желтоқсанынан бастап жаңалықтар мен бағдарламалар эфирге астаналық «Қазмедиа орталығы» телерадиокешенінен шығады[2].

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
  2. https://khabar.kz/kk/agency/telearnalar/khabar