Хамза Мурсалимович Мұхамадиев

Хамза Мурсалимович Мұхамадиев(2.1.1907, Шығыс Қазақстан облысы,Ұлан ауданы,Тарғын ауылы - қайтыс болған жылы белгісіз) - 2-дүниежүзілік соғысқа қатысушы, гвардия аға сержанты, взвод командирінін көмекшісі,татар. Соғысқа дейін «Қалбақалайы» кеніші басқармасыньң «Чильча» кенішінде жұмыс істеген. 1941 жылдың 26 шілдесінде Кеңес әскері қатарына шақырылып, 1943 жылы 70-гвардиялық атқыштар дивизиясы құрамында шайқастарға қатысты. Мұхамадиев әсіресе, 1943 жылдың шілде айында Курск доғасындағы ұрыста ерекше көзге түсті. Самадуровка селосы маңында 5- және 6 шілдедегі ұрыстарда Мұхамадиев взводы жаудың бірнеше шабуылына тойтарыс берді. 7 шілдеде 60 танкінің қолдауымен гвардиялық полктің шебіне жау қайтадан шабуыл жасады. Танкілер сап түзеп, гвардияшылардың қорғанып жатқан катарына келді. Олардың соңында бронетранспортерге тиелген автоматшылар келе жатты. Ал жау ұшақтары Кеңес әскерінің алгы шебіне үздіксіз бомба тастады. Ұрыстың қызған шағында взвод командирі қаза тауып, оның орнын Мұхамадиев басты. Ол жауды оқ жетер жерге жақындатып, танкіге қарсы ататын қарулармен оқ жаудырды. Ұрыс бір сағаттан артық созылды. Мұхамадиев бұл уақыт ішінде жаудың 3 танкісін өртеп жіберді. Жау ілгері баса алмады. 8 шілдеде 238,1 биіктік маңында жау тағы да өршелене қарсы шабуыл жасады. Бұл жолы жау танкілері Кеңес әскері бөлімшелерінің шебіне өтіп кетті. Бірақ гвардияшылар танкіге карсы граната мен жанармайлы шөлмекті олардың үстерінен жаудырды. Мұхамадиевтің минасынан 3 «жолбарыс» өртке оранды. Взвод жауынгерлері 10 машинаны өртеп жіберді. Сөйтіп 6 шілдеден 15 шілдеге дейінгі ұрыстарда Мұхамадиев 3 «жолбарысты», 5 орташа салмақты танкіні қиратып, жаудың 60- нан астам әскері мен офицерін жойды. Осындай ерлігі мен қайсарлығы үшін Мұхамадиевке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.8.1943). Сондай-ақ он Ленин, «Қызыл Жұлдыз» орденімен және «Алтын Жұлдыз» медалімен марапатталды. 1945 жылы әскер қатарынан босап, Кемерово облысы,Прокопьевск қаласында жұмыс істеді.Новосібір қаласында тұрды.