Хачапури

Хачапури — үккіштен өткізілген ірімшіктің мөлшері ұннан екі есеге көп болатын грузиннің ұннан дайындалатын ұлттық өнімі.

Хачапуридің негізгі ерекшелігі — қамырында. Қамыр дайындауда ас содасын және мацони қосады. Қамыр жеңіл әрі жұмсақ болады. Ашытқы қолдануға болмайды. Құрамына 0,5 л мацони, 2 стақан сүт, 1 жұмыртқа, бір шымшым ас содасы, 1/4 шай қасық тұз кіреді. Салмасына чанах, имерет ірімшігі немесе брынза салынады. Ол үшін, алдымен, оларды 5 сағат бойы салқын суға салып тұзсыздандырады, содан соң паста тәрізді болғанша езгілеп, шикі жұмыртқа, сары маймен араластырады. 0,5 кг сырға — 1—2 жұмыртқа, 25—50 г май салынады. Пішінделген хачапуриді табаға салып қақпағымен жауып 10 мин-тай пісіріп, өнімді аударып май және жұмыртқа жағып дайын болғанша қайтадан пісіреді. Егер қамырды қаттамалы етіп жайса хачапуридің дәмдік сапасы артады.