Хлоритоид

Хлоритоид (хлорит және грек. eіdos – түр, сырт кейпі) — слюдалар тобына жататын минерал. Химиялық формуласы: Fe2Al(OH)4, Al3(SіO4)2O2, құрамы (%): SіO2 — 23,48 — 25,12, Al2O3 — 35,83 — 40,25, FeO — 19,62 — 23,0, MgO — 1,80 — 3,89, H2O — 6,76 — 7,30, қоспалары: TіO2, Fe2O3, MnO. Моноклиндік және триклиндік сингонияда кристалданып, минералды агрегаттары жапырақ, қысқа баған, тақта пішінді болып келеді. Түсі қанық жасыл, жасыл сары, қатт. Моос шкаласы бойынша 5–6,5, тығыздығы 3,4–3,8 г/см3. Алюминий мен темірге бай шөгінді тау жыныстарының аймақтық метаморфтануға шалынуы салдарынан түзіледі және корунд, диаспор, слюда, тальк, хлоритпен парагенетикалық ассоциация түрінде кездеседі.