Хлорлау

Хлорлау — хлор молекуласы немесе құрамындағы хлор атомын оңай беретін затпен әсер ету арқылы химиялық қосылыстар молекуласына хлор атомын енгізу. Хлорлау негізінен аралық өнімдер, еріткіштер, т.б. алу үшін химия өндірісінде кең қолданылады. Бұдан басқа хлорлау ауыз суын залалсыздандыру үшін де пайдаланылады. Хлорлау реакцияға түсетін заттарға жарық сәулесімен әсер ету (қ. Фотохимия) немесе қыздыру арқылы жүргізіледі. Органикалық заттар технологиясында хлорлаудың маңызы үлкен. Мысалы, қаныққан көмірсутек метанды (СН4) жарық сәулесімен әсер етіп хлорлау кезінде оның маңызды төрт хлорлы туындыларын (СН3СҚ, СН2СҚ2, СНСҚ3, ССҚ4) алуға болады. Ауыз суының көп мөлшерін хлорлау үшін газ тәрізді хлор, аз мөлшерін хлорлауда хлор әгі, т.б. хлор қосылыстары пайдаланылады.