Холмогор қазы

Холмогор қазы — етті тұқым. 19 ғасырда Ресейдің орталық қара топырақты аймағының жергілікті қазын қытай қазымен будандастыру арқылы шығарылған. Ол ірі кеуделі, арқасы жалпақ әрі тегіс, мойыны, тұрқы ұзын, басы үлкен, тұмсығы мен аяғының түсі сарғыш қызыл. Тез жетіліп, тез семіреді, еркегі 8 — 9 килограмм, мекиені 6 —7 килограмм. Жылына орта есеппен салмағы 140 — 200 грамм болатын 25 — 40 жұмыртқа салады, 5 — 6 айлық балапанының салмағы ересек қазбен шамалас болады. 60 — 70 күн жақсы жемдегенде еркегінің салм. 4,5 — 5 килограмм, ұрғашысы 4 — 4,5 килограммға жетеді, бұл кезде Холмогор қазы союға жарайды. Холмогор қазысын басқа қаздармен будандастыру арқылы етті тұқымдар алады. Мысалы, сары қауырсынды владимир қазы. Холмогор қазысы негізінен Ресейдің Воронеж, Курск және оларға көршілес облыстарында көп өсіріледі.