Хондемир

Гиясс-әд-дин ибн Хумам-әд-Дин-әд Хусейни Хондамир (1475, Герат - 1535, басқа деректерде 1536/37) — парсы тарихшысы, Мирхондтың немересі әрі шәкірті.

Әлішер Науаидің қамқорлығында болды. Бастапқыда Темір әулетінің сарай тарихшысы болып, 1507 жылдан кейін Иран шахы Исмаил І-нің қол астында істеді, ал 1528 жылы Үндістандағы Ұлы Моғол империясының билеушісі Бабырдың сарайына ауысып, сонда қайтыс болды.

Хондемирдің басты еңбегі - "Хабиб ас-Сийар" ("Өмірді баяндаушылар досы") - үш томдық "жалпы тарих". Бұл еңбек иран мен оған шектес елдердің 15 ғасырдың соңы мен 1524 жылға дейінгі тарихына арналған. Хондемир - "Дастур әл-Возара" ("Атақты уәзірлер өмірбаянының жинағы") мен "Хумайни-наме" ("Құмайын заңдарының жинағы"), т.б. еңбектерінің авторы.