Хотя бы кинода 3 (фильм, 2024)
Хотя бы кинода 3 — Қайрат тағы да қиындыққа тап болады, бұл жолы ол екі қылмыстық топтың арасына түседі, бірақ ол қытайлық кунг-фу мектебіне тығылып үлгереді. Қайрат науқас анасын аман алып қалу үшін команда жинап, бұрынғы қазақ олигархтарының жоғалған алтындарын табуға дайындалып жатыр.[2][3]
| Хотя бы кинода 3 | |
| Жанры |
Комедия, шытырман оқиға |
|---|---|
| Режиссёрі |
Дастан Садманов |
| Басты рөлдерде |
Қайрат Әділгерей, Аманғали Сыпабеков, Нұрбек Муқушев, Қанат Әлжапаров, Muyun Brothers |
| Композиторы |
Абай Ақбаев[1] |
| Дистрибьютор |
SulpakCinema |
| Ұзақтығы |
90 минут |
| Мемлекет | |
| Тілі |
қазақша, орысша |
| Шыққан жылы |
2024 жыл 30 мамыр |
Сюжеті
өңдеуҚайрат түрмеден шыққан соң бірден науқас анасын құтқарудың амалын іздейді. Дәрігерлердің қойған диагнозы аяусыз болып шығады: анасының өмірін сақтап қалу үшін Қытайдан қымбат медициналық құрал-жабдықтар мен миллион доллар тұратын дәрі-дәрмек алу керек. Ақшасы мен тұрақты жұмысы жоқ Қайрат түрмеде отырған бұрынғы олигархтардың көмегіне жүгінеді. Олар көмектесуге келіседі, бірақ шарты бар: Қайрат Қытайға бір машина астық жеткізуі керек. Таңдау алдында тұрған Қайрат келіседі.
Қытай шекарасынан өтіп бара жатқан Қайрат пен оның жүргізушісін белгісіз қылмыстық топ тоқтатып, шабуыл жасайды. Екеуі есінен танып қалады. Қайрат есін жиса, Қытайдың «Кунг-фу мектебіне» түседі. Жергілікті тұрғын оған көліктері өртеніп кеткендіктен өзін және жүргізушіні құтқарып қалғанын түсіндіреді. Қайрат бірден Қазақстандағы олигархтармен байланысып, болған оқиғаны хабарлайды. Олар жоғалған жүктің ішінде бағалы алтын болғанын мойындап, оны табуды талап етеді, әйтпесе анамды енді көрмейтінін айтып қорқытады. Енді Қайрат жүктің ұрлануының құпиясын ашуы керек. Оған кунг-фу мектебінің мұғалімдері мен оқушылары көмектеседі.[4][5]
Қызықты фактілер
өңдеу- Кинода Бишимбаевқа ұқсас кейіпркердің болуы.[6][7]
- Джеки Чанның киноға шақырылуының ықтымалдығы.[8]
Дереккөздер
өңдеу- ↑ Хотя бы в кино 3 (2024) (орыс.). Кинопоиск.
- ↑ Хотя бы кинода 3 (2024) (орыс.). Freedom ticketon.
- ↑ Кинопремьеры недели: «Хотя бы в кино 3», «Я не киллер» и «Майор Гром: Игра» (орыс.). Inform.kz. Тексерілді, 30 мамыр 2024.
- ↑ Хотя бы кинода 3 (орыс.). Kinopark.kz.
- ↑ Хотя бы кинода 3 (орыс.). Kino.kz.
- ↑ Татьяна Кондратьева В «Хотя бы кинода 3» заметили героя-зека, похожего на Бишимбаева (орыс.). Курсив. Тексерілді, 31 мамыр 2024.
- ↑ Индира Малгаждарова В новом казахстанском фильме заметили героя-зека, похожего на Куандыка Бишимбаева (орыс.). Newtimes. Тексерілді, 31 мамыр 2024.
- ↑ Джеки Чан попросил 600 тысяч долларов на съемки в казахстанском кино (орыс.). Qaz365.kz. Тексерілді, 29 мамыр 2024.