Худурши Дао-Жоди

Худурши Дао-Жоди (Юй) (т. ж. б. — б.з.б. 46) — Қытайға тәуелді болған оңтүстік ғұндардың тәңірқұты. Таққа отырысымен қытай императоры Ван Манмен келісімге келуге тырысты. Бірақ Ван Ман ғұндарды бөлшектеу жоспарын ұстанғандықтан, ол қытай өкіметіне қарсы көтерілген “қызылқастылар” көтерілісін қолдап, олардың жеңіске жетуіне көмектеседі. Ел ішінде тәртіп орнатып, ғұн империясын қалпына келтіруге тырысты. Б.з.б. 47 ж. жаңа император елшісінің бұрынғы келісімшартты жаңғырту туралы ұсынысын қабылдамай тастады. Оның тұсында Қытай тынымсыз жасалған ғұндар шабуылынан қорғана алмай, шекарадағы халықты ішке қарай көшірді де, көшпелілер өздерінің ескі жерлерін қайтарып алды. Тіпті Қытайдың ішкі аймақтарында да ғұндардың көшіп-қонатын жайылымдары пайда болады.