Хұсайын Махмұт (1923 ж. т.) - татар ақыны. Қазақ жерінде туып-өскен ол ұлттық поэзия нұсқаларымен, Абай, Махамбет туындыларымен жақсы таныс. «Жыр маржандары» (Қазан, 1967) жинағында ол Абайға өлең арнаған. Татар ақыны қазақ даласын жыр биігіне теңеп: «Абай өлеңдері адамның көңіліне ыстық күн болып нұрын құяды, қазақ жері әсем әуенге бай дала», - дейді. X. Татарстанда Абай мұрасын қастерлеп, насихаттаушылардың бірі. Ол кемеңгер ақынның бірнеше өлеңін татар тіліне тәржімелеген («Келдік талай жерге енді», «Заман ақыр жастары», «Әбдірахман науқастанып жатқанда»).[1]

ДереккөздерӨңдеу

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9