Целлер (Целль) көлі
Целлер (Целль) көлі (нем. Zeller See; итал. Lago di Zell) — Аустрия Альпісіндегі тұщы көл. Ол Зальцбург федералды штатында орналасқан. Целлер көлі өз атауын жағасында тұрған Цель-ам-Зе қаласының атынан алады.
| Целлер нем. Zeller See | |
 | |
| Морфометрия | |
|---|---|
| Теңiз деңгейiнен биіктігі | 750 м |
| Өлшемі | 3,8 × 1,5 км |
| Тереңдігі | 68 м |
| Су алабы | |
| Құятын өзен | Шмиттенбах, Тюмерсбах |
| Шығатын өзен | Зальцах |
| Орналасуы | |
| 47°11′29″ с. е. 12°28′59″ ш. б. / 47.1914° с. е. 12.4830° ш. б. (G) (O) (Я)Координаттар: 47°11′29″ с. е. 12°28′59″ ш. б. / 47.1914° с. е. 12.4830° ш. б. (G) (O) (Я) | |
| Ел |  Аустрия |
| Аймақ | Зальцбург |
| Аудан | Целль-ам-Зее |
 Целлер Ортаққорда | |
Шығу тарихы
өңдеуШын мәнінде, көл Пинцгауда (Зальцбург территориясы) орналасқан. Оның пайда болу мерзімі 10-16 мың жыл бұрын, мұз дәуірінің соңғы кезеңі болып саналады. Сол жылдары оның су бетінің ауданы қазіргіден әлдеқайда жоғары болды. Су қоймасындағы су деңгейі 10 мың жыл бұрын 50 метрге төмендеген.
XIX ғасырдың ортасы ол үшін бетбұрыс жылы болды, дәл осы кезден бастап демалу үшін еуропалықтар көлге келе бастады. Целлер көліндегі жағдайлар қолайлы болғандықтан мұнда 40-тан астам спорттық ойын-сауық және белсенді демалыс түрлері дамыды. [1]
Сипаттамасы
өңдеуКөл 750 метр биіктікте орналасқан. Ұзындығы 3,8 шақырым, ені 1,5 шақырымға дейін созылған көл таулармен қоршалған. Целлер көлінің максималды тереңдігі - 68 метр. Жазда бұл көлге көптеген таулы ағындар мен жылғалар құйылады, олардың ішіндегі ең ірілері Шмиттенбах пен Тумерсбах. Көлден ұзындығы екі шақырым ғана бір канал шығады, одан су Зальцах өзеніне құяды. Паромдар тек Цель-ам-Зе және Тумерсбах қалалары арасында жүреді. Целлер көлінің оңтүстік бөлігі таяздау болып келеді.[2]
Туристік қызметі
өңдеуМөлдір таза суы бар бұл биік таулы көл ұсақ тау ағындарымен қоректенеді. Көл барлық жағынан таулармен қоршалған, олардың артында ақ қармен жабылған Альпінің шыңдары көрінеді. Жазда көлдегі судың температурасы 23 градусқа дейін көтеріледі. Осы уақытта мұнда көптеген демалушылар келеді. Көл тек демалу үшін ғана емес, сонымен қатар белсенді ойын-сауық үшін де қызметтер көрсетеді.
Көлде желкенді қайықпен жүзуге, қайықтан балық аулауға, дайвинг, сноубордингпен айналысуға, су шаңғыларымен серуендеуге жағдайлар жасалынған. Көлдің айналасында және тауларға жаяу жүру жолдары бар, мұнда велосипедпен де серуендеуге болады.[3]
Қыста көл беті қалың мұз қабатымен жабылады, қысқы спорт түрлеріне арналған курортқа айналады, мұнда хоккей ойнап, коньки тебуге болады.[4] 12 шақырым жерде Китцштайнхорн мұздығы орналасқан, ол шаңғы әуесқойлары үшін жыл бойы ашық.
Фаунасы
өңдеуКөлдің оңтүстік жағында құстар мекен етеді. Онда суқұзғындар, барылдауық үйректер, көкқұтандар, аққулар, қызғыштар, балшықшылар және басқа да көптеген құстар мекендейді.[2] Көлде балықтардың әр түрлі түрлері тіршілік етеді. Негізгі кездесетін балықтары: Ақ сақа, табан балық, шортан және өзен алабұғасы.[5]
Дереккөздер
өңдеу- ↑ https://www.turizm.ru/austria/tsell_am_zeya/places/ozero_celler_zee/
- ↑ a b https://www.votpusk.ru/country/dostoprim_info.asp?ID=8003
- ↑ https://rutraveller.ru/place/11145
- ↑ https://lifeglobe.net/entry/2500
- ↑ http://www.visitalps.ru/countries/austria/resorts/Zell%20am%20See/sights/%D0%A6%D0%B5%D0%BB%D0%BB%D0%B5%D1%80_%D0%97%D0%B5%D0%B5_%28Zeller_See%29