Центрден тепкіш күш арқылы құю

Центрден тепкіш күш арқылы құю (ор. центробежное литье) — бұл тәсілде сұйық метал айналып тұратын металдан жасалған қорамаға құйылып, центрден тепкіш күштердің әсерінен қораманың қабырғаларына лақтырылып қатаяды да құйма қалыптасады. Бұл тәсіл өндірісте іштері қуыс құймалар жасау үшін қолданылады. Мысалы шойындардан және болаттардан жасалатын құбырлар, сақиналар, төлкелер т.б. Қорамалар центірден тепкіш машиналарға орналастырылады. Айналу осьтерінің орналасу жайларына қарай гоизонтальді және вертикальді машиналар болады. Бұл тәсілмен жасалған құймалардың сырт қабаттарының тығыздығы жоғары болып қалыптасады. Центрден тепкіш күштердің әсерінің себебінен цилиндр пішінді құймаларды жасағанда ішкі қуысын қалыптастыру үшін қорамаға өзектерді орналастырудың қажеті болмайды.