Чернорецкий совхозы

Чернорецкий совхозы - қазіргі Павлодар қаласында 1932 жылы құрылған. Орталық мекені - Набережное совхозы. Негізгі өндірісі - сүт өндіру, қосымша астық шаруашылығымен айналысады. Ауыл шаруашылығына пайдалы жерінің ауданы 43 642 га, оның 21 187 га-сы жыртылған. Шаруашылықта 135 трактор, 36 астық комбайны, 55 жүк автомомбилі, 5376 ірі қара, оның ішінді 1200 - і сауын сиыр, 322 жылқы бар. 11 бесжылдыққа орта есеппен жылына 3600 т сүт, 6368 т ет өндіріп, мемлекетке 2,2 мың т астық, 3327 т сүт, 536 т ет өткізді. Әр сауын сиырдан 2250 кг сүт алынды. Ауыл шаруашылығының жалпы орташа жылдық өнім мөлшері - 4,1 млн сом болады. Совхозда орта мектеп, балалар бақшасы, клуб, асхана және т.б мәдени тұрмыстық қызмет көрсету органдары бар. 36 адамы СССР ордендерімен және медальдарымен, оның ішінде төртеуі Ленин орденімен марапатталған. Совхоз 1976 жылы Еңбек Қызыл Ту орденімен марапатталған.