Дөңгелек және ортасында дөңгелек тесігі бар сақина тәрізді тетікбөлшекті шайба деп атайды. Оны гайканың немесе болттың басы мен біріктіретін тетік бөлшектің арасына қыстырады. Сондықтан оның тесігі болттың диаметрінен сәл үлкендеу болуы тиіс. Шайба мына міндеттерді атқарады: - гайканы кілітпен бұрағанда тетікбөлшектің беті жырылып бүлінбейді; - болт немесе шпилька аіретін тесіктің пішіні дөңгелек болмаған жағдайда тірелу бетін ұлғайтады; - тетікбөлшек жұмсақ материалдан жасалған болса, тірелу бетін ұлғайтып, сығу әсерін жеңілдетеді. Шайба болаттан жасалады. Шайба 10 МЕСТ 11371-78 жазуы мынаны білдіреді: шайба номинал диаметрі 10 мм болатқа немесе шпилькаға кигізіледі және олмемлекеттік стандарт МЕСТ 11371-78 бойынша жасап шығарылады.