Шайтантөбе

Шайтантөбе – Ақмола облысы Ақкөл ауданындағы тау. Ақкөл қаласының солтүстігінде, Мамай көлінің оңтүстік-шығысында 10 км, Итемген көлінен солтүстік-шығысқа қарай 15 км, Астана қаласынан 160 км жерде орналасқан.

Шайтантөбе тауы
Сипаттамасы
Пайда болған кезеңі	Девон
Ұзындығы	2-2,5 км
Ені	1,5-2 км
Биіктігі	393 м м
Орналасуы
52°28′11″N 71°20′45″E
Елдер	Қазақстан Ақмола облысы Ақкөл ауданы
Шайтантөбе тауы
Шайтантөбе тауы

Жер бедері

Абсолюттік биіктігі 393 м. Оңтүстіктен солтүстікке 2-2,5 км-ге, ені 1,5-2 км-ге созылған. Беткейі көлбеу, нашар тілімделген.

Геологиялық құрылымы

Элювиальді-делювиальді шөгінділерден түзілген жоғарғы девон граниттерімен көмкерілген.

Өсімдігі

Карбонатты қара топырағында боз, бетеге тектес өсімдіктер өскен.