Шамсутдин Хасмутдинұлы Рафиков

Шамсутдин Хасмутдинұлы Рафиков (12.09.1904 – 21.08.1972) – екінші дүниежүзілік соғысқа қатысушы, инженер–сапер.

Шамсутдин Хасмутдинұлы Рафиков
Туған күні	12 қыркүйек 1904 (1904-09-12)
Туған жері	Орынбор губерниясы Соло-Илецк ауданындағы Григорьевка селосы
Қайтыс болған күні	21 тамыз 1972 (1972-08-21) (67 жас)
Қайтыс болған жері	Ақтөбе облысы
Азаматтығы	КСРО
Қызметі	Екінші дүниежүзілік соғысқа қатысушы, инженер–сапер.
Марапаттары мен сыйлықтары	Үшінші, екінші және бірінші дәрежелі «Даңқ» ордендері

Өмірбаяны

1904 жылы Орынбор губерниясы Соло-Илецк ауданындағы Григорьевка селосында туған. Отбасы кейіннен Шалқар қаласына көшіп келген. 1941 жылдың қарашасында әскер қатарына шақырылып Оңтүстік–Батыс, Сталинград, Далалық, Оңтүстік және 4-ші Украин майдандарында ұрыстарға қатысты. Үш рет жараланған.

Марапаты

Сержант Шамсутдин Рафиков 1944–1945 жылдары үшінші, екінші дәрежелері және 1945 жылдың 27 маусымында бірінші дәрежелі «Даңқ» ордендерімен марапатталды.