Шалқар (қала)

Шалқар
	Қала
	Шалқар
Әкімшілігі
Ел	Қазақстан
Статусы	Аудан орталығы
Облысы	Ақтөбе
Ауданы	Шалқар
Ауылдық округі	Шалқар
Тарихы мен географиясы
Координаттары	47°49′27″ с. е. 59°37′11″ ш. б. / 47.82417° с. е. 59.61972° ш. б. (G) (O) (Я)Координаттар: 47°49′27″ с. е. 59°37′11″ ш. б. / 47.82417° с. е. 59.61972° ш. б. (G) (O) (Я)
Құрылған уақыты	1870
Қала статусы	1928
Жер аумағы	12 км²
Уақыт белдеуі	UTC+5:00
Тұрғындары
Тұрғыны	28 024 адам (2023)
Сандық идентификаторлары
Телефон коды	+7 71335
Автомобиль коды	04
	Шалқар Шалқар
	Шалқар шекарасы
	Ортаққордағы санаты: Шалқар

Шалқар — Ақтөбе облысындағы қала, Шалқар ауданының және Шалқар қалалық әкімдігі орталығы (1932 жылдан), темір жол бекеті.

Географиялық орны

Облыс орталығы - Ақтөбе қаласынан оңтүстік-шығысқа қарай 363 км-дей жерде, Шалқар көлінің жағасында орналасқан.

Халқы

25,4 мың адам (2006);
27,3 мың адам (2013).
27 953 адам (2019)

Тарихы

Іргесі 1870 жылы қаланған. 1921 жылға дейін Шалқар ауылы, 1922 жылы уезд, 1924 жылы аудан орталығы, 1932 жылы Ақтөбе облысы құрылғанда қайтадан аудан орталығы болды.

Өнеркәсібі

Қаланың өнеркәсіп саласында «Көктас-Ақтөбе», «Жаңа дәуір», «Алай» минералды су құю цехтары, «Ақтөбе-Жаңатас» қиыршықтас зауыты, «Локомотив депосы» шеберханасы, ауданы электр, жылу қуатын, су өндіретін кәсіпорындар бар. Олар 2 ЖШС-ге, ІК және 2 акционерлік қоғамға біріктірілген.

Инфрақұрылымы

Әлеуметтік-мәдени және денсаулық сақтау салалары бойынша Шалқарда жалпы білім беретін 9 мектеп, музыка, спорт мектептері, кәсіптік-техникалық мектеп, мешіт, тарихи-өлкетану музейі, кітапхана, мәдениет үйі, ауданы аурухана мен емхана, 2 отбасылық дәрігерлік амбулатория, дәріхана, «Ақниет» ЖШС-і, «Ақбөбек» сауықтыру орталығы тағы басқа мекемелер бар. Қала арқылы Орынбор-Ташкент темір жолы өтеді.