Шастри Лал Бахадур

ШАСТРИ Лал Бахадур (2. 10. 1904, Мугхалсарай, Уттар-Прадеш штаты—11. 1. 1966, Ташкент қ., Үндістанда жерленді) — үнді мемлекет және саяси қайраткері. Ұлт-азаттық күресіне белсене қатысты. М.Гандидің ісін жалғастырушы және Дж. Нерудің шәкірті ретінде, Шастри Үндістан ұлттық конгресі (ҮҰК) партиясы басшыларының қатарына тез қосылды. 1951 ж. Шастри ҮҰК партиясының бас секретары болды. Үндістан тәуелсіздік алғаннан кейін (1947), Шастри Үндістанның орталығының үкіметінде жауапты қызметтер істеді. 1952—56 ж. темір жол және транспорт, 1957—58 ж. транспорт және коммуникациялар министрі, 1958—63 ж. т. б. министрліктерді басқарды. Дж. Неру өлгеннен кейін, 1964 ж. июньде 1 парламент фракциясының басшысы, премьер-мйнистр, атом энергиясы мәселесі жөніндегі министр және Жоспарлау комиссиясының председателі болды. 1966 ж. Үндістан мен Пакистан арасындағы қарулы қақтығысты реттеу мақсатымен Ташкент кездесуіне қатысты.