Шахбокс

Шахбокс — шахмат пен бокстың қосындысынан туған қоспалы спорт.

Шахбокс матчы

Шахбокс матчы, Берлин, 2008

Тарихы

Аталған спорт түрі ресми түрде 2003 жылдан бері өткізіліп келеді. Шахбокстың концепциясы алғаш рет Энки Билалдың «Froid-Équateur» роман-комиксінде пайда болды. Кейінірек голландиялық перформансшы Ипе Рубинг кітаптағы қиялды іске асыруға бел буды. Ол шахмат пен боксты бір комикстік кітапта біріктіру идеясын көргеннен кейін шахбоксты ойлап тапты. Шахбокста шахмат және бокс турнирлері айналымға түседі және оның ұраны: «Шайқас – алаңда болады, ал жауынгерлер – шахмат тақтасына түседі».

Ережелері

Кездесу 11 раундтан тұрады. Тақ санды раундтарда – қарсыластар шахмат ойнап, ми «жарыстырса», жұп санды раундтарда қолғап түйістіріп, физикалық күштің көмегіне жүгінеді. Шахматта әрбір ойыншыға 12 минуттан беріледі. Ал бір шахмат раунды 4 минуттан болса, бокс раунды 3 минуттан ойналады.

Ойын шахмат үстелі орналастырылған рингтің ішінде өтеді. Екі шахматшы да боксшылар секілді киініп, сайысқа шығады. Ойын барысында сөйлеуге, қарсыласын ұруға тыйым салынған.

Жеңімпаз кездесуде болған нокаутқа, техникалық нокаутқа, мат қою немесе қарсыластардың бірінде шахмат партиясы уақытының бітуіне байланысты анықталады. Егер де қарсыластар шахмат ойынында тең түсіп, бокста нокаут болмаса, кездесу тағдыры бокстағы ұпай санымен шешіледі. Ал егер де бокс та тең нәтижемен аяқталса, онда жеңіс қара фигуралармен ойнаған спортшыға беріледі.Боксшылар салмақ дәрежесіне бөлінеді, ал халықаралық қауымдастық түрлі турнирлер ұйымдастырып тұрады.

Тағы қараңыз

• Шахмат
• Бокс

Сілтемелер

• WCBO Ресми сайты Мұрағатталған 21 қазанның 2019 жылы. (ағыл.)
• Шахбокс туралы жалпылама ақпарат Мұрағатталған 18 желтоқсанның 2013 жылы. (ағыл.)
• 2003 жылғы Әлем Чемпионаты (ағыл.)