Шаңытбай Серіков

Шаңытбай Серіков(1899, Маңғыстау ауданы Қарақия ауылы – 1971, Ақтау қаласы) – ішкі істер қызметкері. 1916 жылы Байрам-Али қаласындағы 2 сыныптық орыс-түзем мектебін бітірген. Форт-Александровск қаласында әр түрлі жұмыстар жасап, артынан Түрікменстанға қоныс аударады. Сол жақта жүріп, Қызыл Армия қатарына кіреді. 1920 жылы Қазақ АКСР-і ОАК-нің төрағасы С.Меңдешевтің тапсырмасымен Түрікменстан жеріндегі қазақтарды елге қайтару жұмысының басында болып, 150 жанұяны 1921 жылы тамызда Форт-Александровск қаласына алып келеді. 1922 жылы әскер қатарына алынып, Уфа қаласында, артынан Куйбышев (қазіргі Самара) қаласындағы әскери училищеге жіберіледі. 1923 жылы Тәжікстандағы басмашыларға қарсы соғысқа жіберіледі. Бұқара әмірі Махмуд эфенденің әскерін талқандауға қатысқан. 1926 – 28 жылы Адай окр. партия комитетінде нұсқаушы, уездік милиция бастығының орынбасары, Қарақалпақ автономиялы облысының әскери комиссары, 1928 – 55 жылы ІІМ-де әр түрлі лауазымдық қызметтер атқарады. Қызыл Ту, Ленин, Қызыл жұлдыз ордендерімен марапатталған.[1][2][3][4][5][6][7][8][9][10][11][12]

ДереккөздерӨңдеу

  1. «Маңғыстау» энциклопедиясына, Компьютерлік-баспа орталығы, 2007
  2. «Қазақ Совет энциклопедиясы» (12 томдық), Алматы, 1972 – 1978;
  3. Маңғыстау энциклопедиясы, Алматы, 1997;
  4. «Қазақ тілі» энциклопедиясы, Алматы, 1998;
  5. «Атырау» энциклопедиясы, Алматы, 2000;
  6. «Қазақ әдебиеті» энциклопедиясы, Алматы, 2001;
  7. «Қазақ өнері» энциклопедиясы, Алматы, 2002;
  8. «Батыс Қазақстан облысы» энциклопедиясы, Алматы, 2002;
  9. «Қазақстанның қорықтары мен ұлттық бақтары», Алматы, 2006;
  10. «Красная книга Казахстана», Алматы, 2006;
  11. «Маңғыстау өсімдіктерінің каталогы», Ақтау, 2006;
  12. «Қазақстан» ұлттық энциклопедиясы (10 томдық), Алматы, 1998 – 2007.