Шежіре-и тарахима

Шежіре-и Тарахима

Шежіре-и Тарахима “Шәджара-и-Таракиме”, “Түрікмен шежіресі” — Хиуа ханы, белгілі тарихшы Әбілғазының тарихи шығармасы. Автордың айтуынша “Шежіре-и Тарахима” түрікмен молдалары, шейхтар және бектерінің тілектері бойынша жазылып, 1659 — 1661 жылы аяқталған. Тілек білдірушілер автордан халық арасына кең тараған “Оғызнамада” қате көп әрі пікір қайшылықтары баршылық, сондықтан тарихи деректерді дұрыс тұжырымдайтын еңбек жазуын сұраған. Шығарма халық аңыздарына негізделгеніне қарамастан түрікмендердің ежелгі тарихы мен олардың шығу тегі жөніндегі деректер мол берілген еңбек. Қазіргі кезде “Шежіре-и Тарахиманың” академиг А.Н. Кононов аударған нұсқасы бар.

Дереккөздер

• Қазақ энциклопедиясы, 9 том
• Кононов А.Н., “Родословная туркмен”, Соч. Абу-л-Гази хана хивинского, М.—Л., 1958;
• Абусеитова М.Х., Баранова Ю.Г., Письменные источники по истории и культуре Казахстана и Центральной Азии в 13 — 18 вв., А., 2001.