Шекебай Есенғараұлы Өмірбаев

Шекебай Есенғараұлы Өмірбаев (1925 ж. т., Маңғыстау ауданы Жармыш ауылы) – соғыс ардагері, техник-механик. Ашғабад қаласындағы «Жерге орналастыру» техникумын (1942), Мәскеу қаласындағы жерге орналастыру инженер институтын (1962) бітірген. 1943 – 45 ж. 2-дүниежүзілік соғысқа қатысқан. 1953 – 54 ж. Таушық ауылындағы қуатты сорап құрылымының техник-механигі. 1962 – 87 ж. Ақтау қаласындағы «Казгипрожер» мекемесінде қызмет атқарған. 1-дәрежелі Отан соғысы, Қызыл жұлдыз ордендерімен, «Ерлігі үшін», «Соғыстағы ерлігі үшін», т.б. бірнеше медальдармен марапатталған.