Шепті бұзып өту
Шепті бұзып өту — қазіргі соғыс тактикасындағы жаудың алдын ала даярланған қорғанысын бұзып, оның негізгі тобын майданның сол бөлігінде қирату және шабуылды одан әрі жалғастыру.
Бұл үшін зеңбірек, авиация, танк, т.б. пайдаланылады. Бұл — шабуылға шығудың басты кезеңі. Шабуылға қойылған мақсат пен оның масштабына, қатыстырылатын күш пен құралдарына қарай шепті бұзып өту тактикалық немесе оперативтік болып бөлінеді. Шепті бұзып өту алғаш рет 1-дүниежүзілік соғыс кезінде қолданыла бастады. 1930 — 1940 жылы КСРО Қарулы Күштерінде жаудың алдын ала бекінген шебін бұзып өтіп, шабуылға шығу теориясы жасалды. 2-дүниежүзілік соғыс кезінде Кеңес әскерлері жаудың шебін бір немесе бірнеше тұстан бұзып өтіп, жау әскерлерінің үлкен топтарын қоршап қиратты (мысалы, Беларусь операциясы, Берлин операциясы, т.б.).[1]
Дереккөздер өңдеу
- ↑ Қазақ энциклопедиясы, 9 том
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|