Шешенқара корунд кен орны

Шешенқара корунд кен орны - Жамбыл облысы Мойынты темір жол станциясынан оңтүстік-шығысқа қарай 20 км жерде орналасқан. Кен орнын 1931 жылы Н.И.Слепухин ашып, В.С.Малявкин, И.И.Деонисяк, Т.А.Ахметбеков зерттеген.

Гематит.

Геологиялық құрылымы

Алунит.

Кен девон кезеңі турне шоғырының кварцты альбитофирі мен оның туфы бойынша түзілген туынды кварцитпен байланысқан. Туынды кварциттің ауданы 2 км². Ол шығысында ортаңғы тас көмір интрузивті кешенінің гранитімен және төменгі тас көмір гранодиоритімен жапсарласқан.

Құрамы, минералдануы

Шешенқара массивінің құрамында серицитті, андалузитті, корундты, кварц-гематитті, монокварцты, серицит-алунитті және каолинитті туынды кварциттер бөлінеді. Корундты кварцит массивтің солтүстік, шығыс және оңтүстік беткейлерінде дамыған. Корундты минералдану желішікті-секпілді, корундтың мөлшері 5–10%, кейде ұсақ желі тәрізді және линза сияқты денелер кездеседі. Олардағы корунд мөлшері 70%. Барлығы 8 бөлікшеге бөлінетін корундты кен орнының ең маңыздысы – Шешенқара төбесінің солтүстік беткейінде орналасып, кен денесі 10–50 оңтүстік-батысқа еңістенген бөлігі. Мұндағы кен денесінің қалыңдығы 125 м, корунд мөлшері 1–35,5%. Шешенқара корунд кен орнындағы корунд қоры 60 мың т шамасында.