Шолпан Байғабылова

Шолпан Байғабылова 1949 жылы 26 қаңтарда Павлодар облысы Май ауданы Шыған ауылында туған. Қазақ. КСРО Мемлекеттік академиялық Ленин орденді Кіші театры жанындағы М.С. Щепкин атындағы Мәскеу театр училищесінің актерлік факультетін бітірген (1972), театр, кино актрисасы. Қазақ және орыс тілдерін біледі. 1972 жылдан - Торғай облысы қазақ музыкалық-драма театрында актриса. 1979 жылдан - Қызылорда облысы Қазақ драма театрының актрисасы. 1981 жылдан - М. Әуезов атындағы Қазақ академиялық драма театрында актриса. 1990 жылдан - ҚазКСР Мемлекеттік комитетінің теледидар және радио хабарлары «Шалқар» Бас редакциясының бағдарламасын жүргізуші, диктор. 1999 жылдан - МҚКК «Ж. Аймауытов атындағы Павлодар облысы қазақ музыкалық-драма төатрының» актрисасы. 2007 жылдан - «Павлодартелерадио» МҚК бағдарламалар үйлестірушісі, 2008 жылдан - дикторы, 2009-2010 жылда- ры - редакторы. ҚазКСР Еңбек сіңірген әртісі (1978). КСРО Мәдениет министрлігінің (1974), ҚазКСР Жоғарғы Кеңесінің Құрмет грамотасымен марапатталған (1975). Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Өркендеуші ұлы ел». Хоббиі - кітап оқу. Сүйіп оқитын әдебиеті - поэзия. Ұлы - Айтқожанов Арман; қызы - Дүйсенбенова Шынар.