Шоманбай Әбжалов
Шоманбай Әбжалов (1932 жылы, «Қаратау» кеңшары, Созақ ауданы, Оңтүстік Қазақстан облысы, Қазақ КСР) — Қазақ ССР, Қызылорда облысы, Жаңақорған ауданы, «Қызыл жұлдыз» кеңшарының бұрынғы шопаны. Социалистік еңбек ері (1971).
| Шоманбай Әбжалов | |||
| Туған күні | |||
|---|---|---|---|
| Туған жері |
«Қаратау» кеңшары, Созақ ауданы, Оңтүстік Қазақстан облысы, Қазақ КСР | ||
| Марапаттары мен сыйлықтары |
| ||
Өмірбаяны
өңдеуШоманбай Әбжалов 1932 жылы Оңтүстік Қазақстан облысы, Созақ ауданы, «Қаратау» кеңшарында дүниеге келген. Жетіжылдық мектепті бітірген ол соғыс кезінде ауылдағы ауыр жағдайға байланысты оқуды одан әрі жалғастыруға мүмкіндігі болмады. Еңбекке жастайынан араласып кетті. 1950-1952 жылдары Отан алдындағы борышын өтеп қайтты.
1952-1984 жылдары Жаңақорған ауданындағы «Жұлдыз» кеңшарында 32 жыл шопан болып, қой өсірді. Ол бұл жылдар ішінде мал басын аман сақтауда, төл алуда, қаракөл елтірісін өндіруде жоспарды үнемі артығымен орындап отырды.
Ш.Әбжалов оныншы бесжылдықта (1976-1980) отардың әр 100 аналығынан 150-215-тің аралығында қозы алып, әр қойдан 3-4 килограмнан жүн қырықты. Оның еңбегі жоғары бағаланып, КСРО Жоғарғы Кеңесі Төралқасының 1981 жылы 8 сәуірдегі Жарлығымен оған Социалистік Еңбек Ері атағы берілді. Қазақ КСР Жоғарғы Кеңесі Төралқасының Құрмет грамотасымен марапатталды, оның есімі Қазақ КСР Ауыл шаруашылығы министрлігінің Алтын кітабына жазылған. Бүкілодақтық ауылшаруашылық көрмесінің алтын, күміс медальдарын алған. Ш.Әбжалов «Қызыл жұлдыз» кеңшарының Құрметті азаматы, Республикалық дәрежедегі зейнеткер.
1986 жылы зейнеткерлікке шықты. Қазіргі таңда Жаңақорған ауданы, Сүттіқұдық ауылында тұрады.
Марапаттары
өңдеу- Социалистік еңбек ері — КСРО Жоғарғы Кеңесі Төралқасының 1971 жылғы 8 сәуірдегі Жарлығымен
- Ленин ордені
- Қазақ КСР Жоғарғы Кеңесі Төралқасының Құрмет грамотасы
Әдебиет
өңдеу- Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2009. — Т. 3. — 181 с.
Сілтеме
өңдеу- ӘБЖАЛОВ ШОМАНБАЙ// Ә. Тәжібаев атындағы Қызылорда облыстық әмбебап ғылыми кітапханасы
- Максут Ибрашев, Вспоминайте иногда вашего герояМұрағатталған 4 наурыздың 2016 жылы.