Шымкент оязы

Шымкент оязы – 1867 жылы 11 шілдеде жарияланған “Жетісу, Сырдария облыстарын басқару жөніндегі уақытша ережеге” сәйкес Түркістан генерал-губернаторлығына қарайтын Сырдария облысының құрамында ұйымдастырылған әкімшілік-аумақтық бөлік. Шымкент оязы оңтүстігінде Ташкент уезімен шектесіп, солтүстік жағынан Шу өзенін кесіп өткен.

19 ғасырдың басында ояз құрамындағы 28 болыста 540 ауыл болды. 1908 жылы оязда 250 794 қазақ, 11 мың орыс, 41 350 өзбек мекендеді. 19 ғасырдың аяғында Шымкент оязының тұрғындары мал шаруашылығымен қатар Арыс, Сырдария, Келес, Шаян, Бөген, Арыстанды өзендерінің бойына дәнді дақыл, бау-бақша егіп, отырықшы өмір сүрген. 1916 жылы ояздың Георгиевка саудасында цемент заты, тағы басқа өндіріс орындары жұмыс істей бастады. 1928 жылы жаңа әкімшілік-аумақтық аудандастыру шаралары жүзеге асырылуына байланысты Шымкент оязы жойылды.