Шырмалғыш өсімдіктер

Шырмалғыш өсімдіктер — сабағымен бір тірекке оралып, жерден едәуір биікттікке дейін көтеріліп өсетін шөптесін не ағаш тектес өсімдіктер. Шырмалғыш өсімдіктердің бұл қасиеті көлеңкелі орманда, қалың шөп арасында өз жапырағын күн сәулесі түсетін жерге жеткізуіне мүмкіндік береді.

Шырмалғыш өсімдіктер өркенінің басқа өсімдік сабағына оралған жерінің сырт жағы тезірек орала өседі. Шырмалғыш өсімдіктер солға қарай не оңға қарай шырмалып өсе береді. Шырмалғыш өсімдіктер шырмауық, бұршақ, түйе шырмауық тұқымдастары т.б. арасында көбірек кездеседі.

Жалпылама сипаттама

Кейде өрмелегіш өсімдіктерді Шырмалғыш өсімдіктер деп те атай береді. Дей тұрғанмен бұл атау ғылыми терминология тұрғысынан қате болып есетелінеді. Бұл екі топ лианалар деп аталады. Шырмалғыш өсімдіктерді үй қабырғаларын, терезе, балкон, аула, терраса т.б. көгалдандыру үшін өсіріледі. Тірек ретінде сырғауыл, сым, жіп қолданылады. Шырмалғыш өсімдіктердің кейбір түрі үйде, өндіріс орындарында әсемдік үшін өсіріледі. Гүл шаруашылығында жабайы жүзім, барқыт шөп, құлмақ, актинидия, батат, көп гүлді лобия, глициния, ұшқат, жұпар бұршақ т.б. өсіріледі. Көп жылдық Шырмалғыш өсімдіктер негізінде вегетативті әдіспен, бір жылыдықтарын тұқымынан, көшетінен өсіреді.