Шыр, шыр жұқпау

Шыр, шыр жұқпау. Түсіндірме сөздік бойынша, тіркес мағынасы — ет алмады, семірмеді, қоң бітпеді. «Рас, қайсы біреулер қаншама тамақ ішсе де шыр жұқпайды» (Т. Жармағанбетов, Ақ жауын). Ежелгі кезде түркі тілдерінде «шыр» тұлғасының мағынасы—«май дегенді ұғындырған. М. Қашқари сөздігінде «бу еттә чир йоқ» (бұл етте май жоқ) деген сөйлемді ұшыратамыз. Міне осы тұлға қазақ тілінде тіркесте сақталып, «шыр жұқпау» дегеніміз — «май жұқпаумен» мағына жағынан бірдей.