Шөктеу, шөктеу деңгейі

Шөктеу, шөктеу деңгейі (ор. уковка, степень уковки) құйма кесектің алғашқы қимасының ауданының соққыдан кейін дайын соғылманың ауданына қатынасы. Металдың құрылымы шөктеудің мөлшеріне байланысты болады. Мысалы, талшықты құрылым. Ол соғылманың бойы бойынша (талшықтың бағытына қарай) немесе көлденең бағытына қарай механикалық қасиеттерінің айырмашылықтарын анықтайды. Сонымен қатар шөктеу болаттың илемдік қасиеттерінің (соққыға тұтқырлық, көлденең қимасының ауданының тарылуына, ұзаруына және төзімділік шегіне) жоғарылануына әсер етеді.