Шөмеле

Шөмеле. Төбе-төбе етіп үйілген шөп. «Олар әр жерде шөмеле боп үйіліп жатқан шөптерді арбаға тиеді» (Б. Тоғысбаев, Ақиық.). Кейбір түркі тілдерінің мәліметтеріне қарағанда бұл сөздің алғашқы тұлғасы етістік мағынасында қолданылған. Якут тілінде «чөмөхтө» сөзі қазірғі қазақ тіліндегі «жинау», «салу» мағыналарында жұмсалады. Шамасы, осы тұлға ертеректе біздің тілімізде қолданылып, қазір «жиюдың» нәтижесінен пайда болған үйінді (шөп) атауына ғана ие болып қалған. Якут тіліндегі етістік мағынасы кейбір тунгус-маньчжур тілдеріне де ауысқан.