Ыстық соқпасы

Ыстық соқпасы әдетте жиі байқала бермейді, бірақ бұл өте қауіпті дертті құбылыс. Бүл, әсіресе, жасы ұлғайған адамдарда және ыстық күндері ішімдікке салынғандарда кездеседі.

Белгілері

Тері қызарып, өте ыссы әрі құрғақ күйде болады, тіпті қолтық асты да құрғап кетеді. Дене қызуы жоғары, кейде 40° градустан да асып кетеді. Көп жағдайда ес-түстен айырылуға дейін апарады.

Емдеу жолдары

Дереу дене қызуын түсіру қажет. Зардап шеккен адамды көлеңкелі жерге жайғастырыңыз, үстін қызуы қайтқанша салқын немесе музды сумен ылғалдап, сүртіңіз. Дәрігерлік көмек шақыртыңыз.

Тағы қараңыз

• Ыстықтан зорығу мен ыстық соқпасының бір-бірінен айырмашылығы

Дереккөздер

• Вернер, Дэвид. Халыққа медициналық жәрдем көрсету жөніндегі (Анықтамалық). Қазақ тіліне аударғандар: Айымбетов М, Бермаханов А.—Алматы: "Демалыс", "Қазақстан", 1994— 506 бет.

ISBN 5-615-01453-9

Осы кітаптың кез келген бөлігін коммерциялық емес мақсатта көшіруге және таратуға басып шығарушылар арнайы рұқсат берген. Сол үшін оларға көп-көп рақмет!