Ысқақ Махмұдұлы Өтеғалиев
Өтеғалиев Ысқақ Махмұдұлы (6.1.1931 жылы туды, Гурьев облысы (қазіргі Атырау), Исатай ауданы, Манаш ауылы) – Қазақстанда тамақ өнеркәсібі саласын белсенді ұйымдастырушылардың бірі, қоғам қайраткері.
* 1989-Қазақстанның еңбек сіңірген өнеркәсіп қызметкері.
* Еңбек жолын 1946 жылы “Қызыл балық” (Гурьев облысы) ұжымшарында балықшы болып бастаған.
* 1959 жылы Астрахан (Ресей) балық өнеркәсібі институтын бітіргеннен кейін Гурьев балық өнеркәсібі Басқармасының бас инженері, бастығы.
* 1965 – 1980 жылдары Қазақстан Балық шаруашылығы министрі болды.
* 1980 – 1994 жылдары республика су айдындарындағы (теңіздер, көлдер, өзендер, т.б.) балық қорын қорғау және көбейту жөніндегі Бас басқарманың бастығы қызметін атқарды.
Өтеғалиевтің тікелей басшылығымен республикада балық шаруашылығының өндірістік-техника базасы жаңадан жасалды. Соның нәтижесінде тоңазытқыш қондырғылармен жарақталған 15-тен астам кешенді балық комбинаты, балық өнімдерін даярлайтын заттар салынып, іске қосылды. Мысалы: Шардара балық питомнигі, Қазалы, Қарғалы тоғандары, Қапшағай аймақтық балық питомнигі, т.б. Өтеғалиевтің ұсынысы бойынша 1993 жылы Жайық – Каспий алабындағы қызыл балықты қолдан өсіру, оның санын көбейту жөніндегі республикалық маңызы бар Бағдарлама бекітілді. Үш мәрте Қазақ КСР Жоғарғы Кеңесінің депутаты болып сайланды. Еңбек Қызыл Ту, “Құрмет белгісі” ордендерімен марапатталған.[1]
Дереккөздер
өңдеу- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9