Эвгеосинклиналь
Эвгеосинклиналь (грек. eu – жақсы, толығымен, geo – Жер және синклиналь) – геосинклиналь жүйенің магмалық өнімдерге қаныққан және біршама қозғалмалы ішкі бөлігі. Эвгеосинклиналь бір бағыттағы белдемдер түрінде жүздеген және мыңдаған км-ге созылып жатады. Оның төмен жағы офиолиттермен астасады, ал жоғары жағы граувак құрамды сынықты қыртыстар, кремнийлі, жанартаутекті, т.б. қабаттарға ұласады. Эвгеосинклинальдар мен миогеосинклинальдар қосылып ортогеосинклинальдарды құрайды. Эвгеосинклинальдың дамуы күрделі құрылымды континенттік қыртыстар мен қатпарлы белдемдердің түзілуімен аяқталады. Эвгеосинклинальде платина кентастары, хромның, темірдің, полиметалдардың, асбестің, т.б. кен орындары кездеседі.[1]
Дереккөздер өңдеу
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том;
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |