Эгон Эрвин Киш

Эгон Эрвин Киш (нем. Egon Erwin Kisch; 1885 жыл 29 сәуір, Прага, Аустро-Венгрия — 1948 жыл 31 наурыз, Прага, Чехословакия) — чех-неміс жазушысы және журналист, Испаниядағы азаматтық соғысына қатысқан. Ұлты – еврей.

Шығармашылығы

Шығармаларын неміс тілінде жазған. Әдеби қызметі 1904 жылдан басталды. 1918 жылдан Аустрия Коммунистік партиясының мүшесі. 1937-38 жылдарында Испанияда халықаралық бригада құрамында соғысқа қатысты. Киштің «Жеңгетай» (1914) атты романы, «Ұрланған қала» (1923) пьесасы бар. Буржуазиялық баспасөздің Кеңестік Ресейге қарсы өсек-аяңын әшкерелеп, «Патша, поп, большевик» (1927), «Азия түбірінен өзгерді» (1932) және т.б. репортаждар жазды. «Үш сиыр. Бір шаруамен әңгіме» (1938), «Жағажайдағы сарбаздар» (1938), «Мексикада жаңалықтар» (1945) т.б. кітаптарын жазды.