Экистика

Экистика (гр. oikistike oikia - үй, тұрақ, ағылш. ekistics) — адам мекендерінің қалыптасуы мен эволюциясы туралы Батыс елдерінде таралған теория. Экистика тұтасынан алғанда халықтың қоныстануын және оның кейбір нысандарды жетілдіру міндетін қояды. Экистика адамның "үйі" әр түрлі: ауқымдағы аумақтық бірліктер — бөлмеден бастап тұтастай Жердің өзіне дейінгі (олардың өзі 15-ке бөлінеді) аралықтағы бөліктер деген ұғымды негізге алады. Әр ұяшықты 5 "экистикалық элемент" — табиғат, адам (индивид), қоғам, "қабық" (құрылыс, пана) және оларды қосатын "торлар" (қатынас жолдары, байланыс желілері) құрайды дейді. Бірақ экистика теориясы халықтың қоныстануына қоғамдық-экономикалық факторлардың (атап айтқанда, өндірістің орналасуының) ықпалын ілікке алмайды, қоныстануды бөлек, өз бетімен дамитын процесс деп қарайды.