Экономикалық-географиялық орын

Экономикалық-географиялық орын — кәсіпорындардың, елді мекендердің, ареалдардың, аудандардың, жеке елдер мен олардың топтарының бұлар үшін экономикалық маңызы бар сыртқы нысандарға кеңістіктік қатынастарының жиынтығы. Экономикалық-географиялық орын — еңбектің географиялық бөлінісі барысындағы нысандар қатынастары өзгерістерінің процесі ретінде зерттелетін тарихи санат. Қолайлы және қолайсыз деп бағаланады. Нысанның қолайлы экономикалық-географиялық орны деп тек оны пайдаланудағы әлеуеттік мүмкіндіктер ғана саналады; ал нақты жүзеге асырылуы тарихи және әлеуметтік-экономикалық жағдайларға байланысты болады. Кеңістіктік жағынан алғанда орталық, шеткі, "көршілес" және басқа орындар деп, ал ауқымы жағынан микро,- мезо- және макроорын деп бөледі. Біріккен Экономикалық-географиялық орын бөлек талданатын орындардан (мысалы, көліктік-географиялық орын, саяси-географиялық орын және т.б.) тұрады. Экономикалық-географиялық орын — экономикалық-географиялық сипаттаманың маңызды даралаушы бөлігі болып табылады. қ. Географиялық орын.