Элеонора Адалқызы Орынбасарова

Элеонора Адалқызы Орынбасарова (4.3.1954 жылы туған, Ақтөбе облысы Ойыл ауданы Ойыл) – педагогикалық ғылымының докторы (2002), профессор (2008).

Оқу жолы

ҚазПИ-дің филология факультетін (1975, қазіргі ҚазҰПУ) және аспирантурасын (1983) бітірген.

Жұмыс жолы

Қазақ мемлекеттік қыздар педагогигалық институтында оқытушы, аға оқытушы, доцент (1983–2000, қазіргі Қазақ мемлекеттік қыздар педагогикалық университеті), Қазақ көлік және коммуникация академиясында доцент, профессор (2000–2005), кафедра меңгерушісі (2005–2006), ҚазҰПУ-да профессор міндетін атқарушы және деканның орынбасары (2006–2007); 2008 жылдан бас ғылыми қызметкер болып жұмыс істейді.

Ғылыми еңбектер

• 2001 жылы «Қазақстанның педагогика тарихындағы оқушыларды адамгершілік жағынан тәрбиелеу теориясының дамытылуы (19 ғасырдың 60-жылдары мен 20 ғасырдың 90-жылдары)» деген тақырыпта докторлық диссертация қорғады.
• Орынбасарованың ғылыми жұмыстарының негізгі бағыты – педагогикалық психология, этика мен тарих мәселесі.
• 50-ден астам ғылыми жарияланымның, оның ішінде 2 монография мен 12 әдістемелік-оқу құралының авторы.