Эндомизий

Эндомизий (endomysium, грек, endon — ішкі, mys — ет) — ет ұлпасы жасушалары (миоциттер) мен талшықтары (миосимпласттар) аралықтарында орналасып, оларды біртұтас етіп байланыстырып, мүшелердегі етті қабаттар мен бұлшықеттер будаларын түзетіп талшықты борпылдақ дәнекер ұлпасының жұқа қабаты. Талшықты борпылдақ дәнекер ұлпасының құрамындағы ретикулин талшықтары мен жіңішке коллаген талшықтары негіздік жарғақпен бірігіп, бұлшықет талшығы сарколеммасының және миоциттер плазмолеммасының құрамына кіреді. Эндомизий арқылы миосимпласттар мен миоциттерді қоректік заттармен қамтамасыз ететін қан тамырлары және олардың жұмысын реттейтін жүйкелер өтеді. Эндомизий жүрек миокардтындағы кардиомиоциттер аралықтарында да болады.