Этилен тотығы

Этилен Тотығы, Этиленоксид, (CH2)2O – циклді эфирлер қатарының бірінші мүшесі; эфир иісті, түссіз газ, балқу t –111,7С, қайнау t –10,73С. Су, спирт, эфир, көмірсутек, хлороформ, төрт хлорлы көміртек, ацетонда, т.б. жақсы ериді. Э. т-н алғаш 1859 ж. француз химигі Ш.А. Вюрц этиленхлоргидрин мен күйдіргіш калиді әрекеттестіру арқылы алған. Бұл әдіс өнеркәсіпте қазір де қолданады. Сонымен бірге, Э. т. жаңа әдіс – этиленді катализдік тотықтыру арқылы да алынады. Э. т. реакцияласуға қабілетті су, спирт, т.б. заттармен әрекеттеседі. Ол аммиакпен әрекеттесіп этаноламин, көгерткіш қышқылмен әрекеттесіп этиленциангидрин түзеді. Э. т. этиленгликоль және оның эфирлері этаноламиндер, т.б. заттар синтездеуде маңызды жартылай өнім болып есептеледі. Э. т. – есірткі зат, оның ауадағы мөлш. 0,001 мг/л-ден аспауы қажет.

Пайдаланған әдебиет

<references>