Юрий Федорович Зарудин

Юрий Федорович Зарудин(1923 жылы туған, Шығыс Қазақстан облысы,Бородулиха ауданы,Бородулиха селосы) - 2-дүниежүзілік соғысқа қатысушы, аға лейтенанты, рота командирі, кейіннен генерал-майор. 1941 жылы тамызда Ұлы Отан соғысына шақырылған. Ол 49-армияның 459-атқыштар полкі құрамында Беларусь жеріндегі ұрыстарға қатысқан. 2-Беларусь майданының әскерлсрі Днепр өзеніне жетіп, Зарудиннің ротасы Могилев облысы,Горец ауданындағы тактикалық маңызы бар 192,2-биіктігін басып алды. Биіктікті қайтарып алмақ болған жаудың қарсы шабуылына тойтарыс берді. Келесі күні Зарудиннің ротасы Жевань деревнясын азат етуде жау қоршауында қалып, қосымша күш келгенше берілмеді. Оның бөлімшесі алғашқылардың бірі болып Днепр өзенінен өтті. Олар көпір салып жатқан саперлердің қимылын бүркемелеп отырды. Жасаған ерлігі үшін Зарудинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3. 1945). Зарудин соғыстан кейін генерал-майор шенінде Кеңес әскерінің Қарулы Күштері қатарында қызмет атқарды.