Юсип Бабаев(Нүсіп) (1887, бұрынғы Верный губ, Қаскелең уезі — 1938) — қоғам қайратке­рі, Жетісуда Кеңес өкіметін орнатуға белсене қатысушы. 1916 жылы майданға қара жұмысқа алынып, онда мыңбасы бол­ды. 1917 жылы Ақпан төңкерісінен кейін Верныйға оралып, "Қара жұмысшылар одағын"ұйымдастырды. "Одақ" Верныйдағы астыртын большевиктік ұйыммен байланыс жасады. 1919 жылы желтоқсанда Ташкентте Қызыл Армияның саяси қызметкерлерін даярлайтын курсты бітірді. 1919-22 жылдары Қызыл Армияның ұлттық бөлімдерінде полк, бригада, дивизия әскери комисса­ры, 1922-28 жылдары Алматы, Лепсі уездік аткомының төрағасы, 1928-34 жылдары Түрксіб темір жол басқармасында, Алматы қалалық партия комитетінде жауапты қызметтер ат­қарды, өмірінің соңғы жылдары Кеген (қазіргі Райымбек ауданы) жылқы зауытының саяси бөлім бастығы болды.[1]

ДереккөздерӨңдеу

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3