Ғайникамал Мұқанқызы Байқошқарова

Ғайникамал Мұқанқызы Байқошқарова (1943 жылы 8 ақпанда Семейде туған) — актриса. Қазақстанның еңбек сіңірген қайраткері (2011). Құрмет орденінің иегері (2003). Қазақстан Республикасының мәдениет саласындағы мемлекеттік степендиясының иегері.

Ғайникамал Мұқанқызы Байқошқарова
Жалпы мағлұмат
Туған күні	8 ақпан 1943 (1943-02-08) (81 жас)
Туған жері	Семей
Азаматтығы	Қазақстан
Мамандығы	актриса
Белсенді жылдары	1974 жылдан
Бағыты	драма, мелодрама
Марапаттары	Құрмет ордені Қазақстанның еңбек сіңірген қайраткері

Толығырақ

• Ғайникамал Мұқанқызы Шығыс Қазақстан облысы Семей қаласыында туған.
• 1962 жылы Алматы медициналық институтына түскен болатын. Алайда 1965 жылы оны тастап кетуге тура келеді.
• 1969 - 1974 жылдары Құрманғазы атындағы Қазақ ұлттық консерваториясы (бұрынғы Алматы консерваториясы)ның "театр бөліміне" "театр және кино актері" мамандығы бойынша білім алды.
• 1969 - 1974 жылдары Ғабит Мүсірепов атындағы Қазақ Мемлекеттік Академиялық балалар мен жасөспірімдер театрының актерлік құрамында болды.
• 1974 жылдан Мұхтар Әуезов атындағы Қазақ мемлекеттік академиялық драма театрының актерлік құрамында. Сол уақыттан бері 80-нен аса небір көркем роль орындап, музыкалық комедия мен фарстан бастап, психологиялық драма және трагедиялық қойылымдардың қай-қайсысында да шеберлік биігінен көрінеді.

Сахнадағы негізгі рөлдері

• Мұхтар Әуезов атындағы Қазақ мемлекеттік академиялық драма театрының сахнасында: Қ.Шаңғытбаев пен К.Байсейітовтің «Беу, қыздар-ай!» комедиясында Күнсұлу, Б.Соқпақбаевтың «Менің атым Қожасында» Майқанова, Қ.Мұхамеджанов пен Ш.Айтматовтың «Көктөбедегі кездесуінде» Алмагүл, Н.Әбуталиевтің «Өттің, дүниесінде» (Махамбет) Бәтима ханым, Айғанша, Д.Исабековтің «Әпкесінде» Гауһар, Б.Римованың «Қос мұңлық» драмасында Самал, А.Сүлейменовтің «Қыздай жесір – штат қысқартуында» Рита, Б.Мұқайдың «Өмірзаясында» Ирма, Қ.Ысқақтың «Жан қимағында» Қапиза, С.Балғабаевтың «Сағыныш пен елесінде» Анар, Иран-Ғайыптың «Шыңғысханында» Есуй, Е.Аманшаевтың «Үзілген бесік жырында» Ана, Е.Жуасбектің «Күлеміз бе, жылаймыз ба?» комедиясында Сары апа, Н.Оразалиннің «Шырақ жанған түнінде» әйел (реж.Н.Жақыпбай) т.б.

Кинодағы рөлдері

• 1986 жылдың Желтоқсан оқиғасы туралы «Аллажар» (реж.Қ.Әбенов),
• «Офицер мырзалар»,
• «Ауылым Көктөбенің бөктерінде» (реж.Ә.Сүлеева),
• «Күнә» (Б.Шәріп),
• «Шұға»,
• «Астана – менің махаббатым»,
• «Ағайынды» (реж. А.Сатаев),
• "Қара шаңырақ" телесериалы және т.б

15-тен аса көркем фильмге түсіп, әрқилы бейнелер жасады.

Марапаттары

• 2016 - "Қазақстан Республикасы тәуелсіздігіне 25 жыл" медалі
• 2011 - Қазақстанның еңбек сіңірген қайраткері құрметті атағы берілді
• 2011 - "Қазақстан Республикасы тәуелсіздігіне 20 жыл" медалі
• 2003 - ҚР тұңғыш президентінің қолынан Құрмет орденімен марапатталды
• 2001 - "Қазақстан Республикасы тәуелсіздігіне 10 жыл" медалі
• Қазақстан Республикасының мәдениет саласындағы мемлекеттік степендиясының иегері.