Ғалиолла Төлендіұлы Мейірманов

Мейірманов Ғалиолла Төлендіұлы (17.5.1946 жылы туған, Қаратал ауданы, Фрунзе атындағы ұжымшар) — ғалым, ауыл шаруашылығы ғылымдары докторы (1990), профессор (1994), ҚР ҰҒА корр.-мүшесі (1992). 1963 ж. Көпбірлік орта мектебін, 1969 ж. Қазақ мемлекеттік ауыл шаруашылығы интын, 1974 ж. осы оқу орнының аспирантурасын бітірді. 197491 ж. ВАСХНИЛ-дің Шығыс бөлімшесіне қарасты Қазақ жем-шөп ҒЗИ-нда, 1991-93 ж. Қазақ ауыл шаруашылығы ҒА-нда, 1993-2000 ж. ауыл шаруашылығы мин-гінің Арал өңірі агроэкологаясы және ауыл шаруашылығы ҒЗИнда, 2000-2002 ж. ауыл шаруашылығы министрлігінің Қазақ егіншілік ҒЗИ-нда әр түрлі лауазымды қызметтер атқарды. Мал азығы дақылдарының генетикасы мен селекциясы туралы 80-нен аса ғыл. еңбектің авторы. Жоңышқаның, түйежоның және күріштің 4 жаңа сортын шығарған.